sagar news
Tuesday, August 11, 2015
महानगरमा ठूला बस सञ्चालनको तयारी साझा यातायातसँग सम्झौता
काठमाडौ, श्रावण २६ - काठमाडौं महानगरपालिका र साझा यातायात सहकारी संस्थाले उपत्यकामा थप २५ वटा ठूला वस संचानल गर्ने सम्झौता गरेको छ । मंगलबार भएको सम्झौतामा उपत्यकाको अव्यवस्थित र अस्तव्यस्त सहरी यातायातलाई व्यवस्थित बनाउन वातावरणमैत्री बस चलाइनेछ । महानगरका कार्यकारी प्रमुख रुद्रसिंह तामाङले बस खरिदका लागि १० करोड रुपैयाँ विनियोजन गरेको बताए । ६ महिनाभित्र बस खरिद गरि महानगरले साझालाई हस्तातरण गर्ने उनले बताए ।
'बस साझा यातायातलाई उपलब्ध गराउँछौं' उनले भने,' स्वामित्व पनि साझालाई हस्तानान्तरण गछौं ।' सेवामुलक ढंगबाट संचालन गर्न लागिएको जानकारी दिंदै प्रमुख तामाङले आगामि दिन थप बस संचालनमा ल्याइने बताए । रात्री बसको रुपमा पनि बस संचालन गरिने उनले बताए । तर हाललाई त्यसबारे केही निर्णय नभएको उनको भनाई छ । बस हस्तानान्तरण गरेपछि साझाले महानगरलाई शेयरधनी प्रमाण दिने पनि उनले बताए ।
बसको संचालन, रेखदेख मर्मत संम्भार तथा वीमा गर्ने दायित्व साझाको हुने सम्झौतामा छ । बसको इजाजत लगायत समन्वय, सेवा अनुगमन तथा मूल्याङकन लागि दुबैपक्षबाट अधिकृतस्तरको कर्मचारी रहनेछ । यी दुई अधिकृतको समन्वयमा सहरी वस परामर्श समिति पनि गठन गरिनेछ ।
साथै बसहरुको आयात गर्दा लाग्ने कर, भ्याट तथा भन्सार छुटका लागि सरकारसँग अनुरोध गरिने पनि उनले बताए । केही बस अपाङगमैत्री ल्याइने भन्दै उनले त्यसको लागि पनि छलफल भइरहेको बताए । 'सबै बस अपाङगमैत्री नहुन सक्छन, केही चाहिं हामी ल्याउँछौ' उनले भने, 'सकभर हामी ७० सिटको बस ल्याउँछौं ।'
साझा यातायात सहकारी संस्था लिमिटेडका अध्यक्ष कनकमणि दिक्षितले 'चौडा सडकमा ठूला बस' अवधारणा अन्तर्गत थप बस संचालन गरिने बताए । 'साझा यातायातले राम्रो र भरपर्दो सेवा दिन थालेपछि, यात्रुको साझाप्रति विश्वास बढेको छ, महानगरले हामीसँग हातेमालो गरेपछि झन उत्साह बढेको छ' उनले भने, 'सेवामूलक हिसावले नै हामीले बस संचालन गरेका हौं ।'
नयाँ बस संचालनको रुटबारेमा भने महानगर र साझा यातायातका प्रतिनिधिले अझै अन्यौलमा छ्न ।महानगरले बस हस्तातरणगरेपछिमात्र नयाँ रुटको पहिचान गरिने दीक्षितले बताए ।
साझाले हाल १६ वटा बस उपत्यकामा संचालन गर्दै आएको छ । अध्यक्ष दिक्षितले महानगरबाहेक अन्य नगरपालिकासँग सम्झौता गरि थप साझा यातायात संचालन गरिने बताए । 'जनताको माग बढेमा अन्य नगरपालिकासँग साझा यातायात चलाउने सम्झौता गछौं' उनले भने, ' सेवा विस्तार गर्छौ ।' करिव दुई वर्ष अघि साझाले उपत्यकामा ठूला बस संचालनमा ल्याएको हो ।
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment